Përshtati banesën për kultivim kanabisi, arrestohet 49-vjeçari nga Lezha

10:49 | 10 Mars 2021
Arbresh.info

Një 49-vjeçar nga Lezha është arrestuar pasi kishte përshtatur një ambient pranë banesës për kultivimin e bimëve narkotike dhe mbante armë gjahu pa leje në banesë.

Nga kontrolli në banesë policia sekuestroi disa fidanë narkotikë të kultivuar në kubikë dhe vazo, aparatura që shërbejnë për kultivimin dhe prodhimin e lëndës narkotike dhe një armë gjahu çifte.

Sipas policisë, Lad Nikolla, banues në Shënkoll të Lezhës kishte kultivuar disa fidanë narkotikë të dyshuar cannabis sativa në kubikë dhe vazo, në bodrumin e një ambienti të mbyllur që e kishte përshtatur me aparatura që shërbejnë për kultivimin dhe prodhimin e lëndëve narkotike.

Materialet për veprime të mëtejshme do t’i kalojnë Prokurorisë pranë Gjykatës së Shkallës së Parë Lezhë, për veprat penale “Kultivimi i bimëve narkotike”, “Prodhimi dhe mbajtja pa leje e armëve të gjuetisë dhe sportive” dhe “Vjedhja e energjisë elektrike”./oranews

Shpërndaje në rrjete sociale

Lajmet më të lexuara

Të ngjashme

Foto lajm